Davao City – Gikumpirma sa Sta Ana PNP nga dili karton ang nakaplagan ug usa lamang ka supot sa cellophane ang gibilin didto sa Agdao Public Market ning syudad alas 8:30 kagabie hinungdan nga gikaalarma sa mga mamalengkehay sa dihang nakit-an ang maong supot gumikan sa ilang pagtuo nga adunay bomba sa sulod.
Sa esklusibong interview kang Police Officer 1 Mark Anthony Baño sa Sta Ana PNP ug nakaassign sa maong merkado, matud pa usa ka supplyer sa gulay nga si alyas Lex nga taga Sto Tomas Davao del Norte ang nagbilin sa maong supot ngadto sa iyang suki nga tindahan ug wa mabantayi sa dihang nakit-an kini ug dunay kalit misingit nga dunay bomba.
Matud ni Baño daling gi-cordon ang maong area ug sa dihang gisusi kini sa mga personahe sa Explosive Ordnance Division kun EOD ug sakop sa bomb squad team nasuta nga packaging tape, pisi ug usa ka kutsilyo lamang ang sulod sa maong plastic.
Ang mga narekober gikustodiya na sa buhatan sa Explosive Ordnance Division kun (EOD).
RadyoMan Don Pulayao
