Sa pihak sang pag-anunsyo sang Estados Unidos nga i-blacklist ang Huawei technologies, gin-athag naman sang local telecommunication companies sa Pilipinas nga mahimo pa ini gamiton diri sa pungsod.
Sa statement nga ginpagwa sang Philippine Long Distance Company ukon PLDT, ginpasiguro sini sa ila mga subscriber, mapa-PLDT man ukon Smart nga magapabilin nga available ang mga Huawei handsets kag devices paagi sa ila official channels.
Magabulig ang PLDT-Smart sa Huawei agud masabat ang masunod nga firmware kag software updates sa mga phone, pocket Wi-Fi units kag iban pa nga devices.
Samtang ginpahayag naman sang Globe nga padayon ang ila monitoring sa sitwasyon.
Suno sa Globe, wala ini sang direkta nga epekto sa network services kag ginahulat nila ang analysis sang pila ka apektado nga kumpaniya.
Sa karun, ara sa “wait and see”mode ang mga telco kasunod sang latest development.
Photo from web
