Dipolog City-Mikortesiya sa buhatan ni Governor Roberto Y. Uy ang mga personahe sa PNP Highway Patrol Group sa Zamboanga del Norte sa pagpanguna sa Team Leader nga si PLt. Arnold Sagabaen uban nila Police Chief Master Sergeant Bobby Solid ug Police Staff Sergeant Riyad Darayan, niadtong Hunyo 24.
Ang maong courtesy call , SOP na kini sa PNP nga maoy paghatag paghatud ngadto sa hepe ehekutibo sama ni Governor UY, isip siya bag-ong opisyales nga nadestino sa maong lugar.
Ang nahisgutang mga personahe ang giabi-abi usab kini Gov. Uy , ug miassoy atubang sa atong kapulisan sa kadalanan nga , ang kagamhanang probinsyal ilawom sa iyang pagdumala ang 100 porsyento ang suporta ug tabang alang sa mga programa og aktibidades sa Highway Patrol Group.
Si PLt. Sagabaen maoy mihulip ngadto kang Police Major Inocencio Jamolod isip Team Leader sa HPG Zamboanga del Norte.
Sa nasayran nga si Plt. Sagabaen, duha pa lamang kini ka bulan nga miasyumer isip bag-ong Team Leader sa Highway Patrol Zamboanga del Norte.
Kahibaloan nga si PLt. Sagabaen , una kini nadestino sa lalawigan sa Zamboanga Sibugay.
Sa pakighinabi ning tigbalita ngadto kang PLt. Sagabaen , siya nalipay nga dinhi sa probinsya sa Zamboanga del Norte , naassign diin nakita niini ang todo ang suporta nga gihatag sa kagamhanang probinsyal sa Zamboanga del Norte.
Dugang pa niini nga ubos sa iyang liderato , gipadayun gihapon sa ilang buhatan ang kampanya batok na sa Colorum nga transport service sama sa van , paggamit sa LED , Blinkers ug Mufflers kay kini violation sa balaod.
Matud pa ni PLT. Sagabaen nga bisan pa man kulangan sila sa personahe , ang iyang unit dili kini babag sa pagpatuman sa ilang trabaho sama pagpahigayon og mga Checkpoint sa mga nanag-unang kadalanan sa tibuok probinsya ug padayun ang ilang gihimong pagpangdakop ngadto sa mga supakero sa balaod nga mga motorista. (PIC-ZSM)
