Davao City – Sugaton sa lokal nga panggamhanan sa Davao City ang pag-abot sa Philippine Military Academy Class of 2020 sakay sa Philippine Navy Ship LD 601 alas 10:30 sa buntag ugmang adlawa.
Ang pagbisita sa mga kadete sugod ugma hangtod Mayo 5 dinhi sa dakbayan alang kini sa ilang Southern Cruise 2018 Davao Leg matud sa Eastern Mindanao Command.
Isip parte sa ilang aktibidad ipailawom ang mga PMA cadets og orientation sa mga nagkadaiyang AFP ug PNP units aron mapalapdan pa ang ilang perspektibo kalabot sa pagpanerbisyo diha sa armadong kusog.
Giimbetihan ang publiko nga musaksi sa ilang silent drill exhibition sa Jose Maria College karong Mayo 3, 2018 alas 9:30 sa buntag ug sa University of Mindanao Campus karong Mayo 4 alas 9:30 sa buntag.
Makigtagbo ang mga kadete sa mga estudyante ug ubay-ubay pang mga organisasyon.
Sagupon ang mga kadete sa Foster Parents Association sa Davao City atol sa ilang temporaryong pagpondo dinhi sa syudad.
Sa mga interesadong musulod sa PMA adunay himuong recruitment sulod sa nagkadaiyang mga malls dinhi sa dakbayan.
RadyoMaN Aimee Guinita
