Davao City – Kakulang sa panahon sa mga ginikanan ngadto sa ilang mga anak maoy usa sa hinungdan niining pagsaka sa ihap sa teenage pregnancy dinhi sa syudad sa Davao.
Sumala ni Febe Matthew sa Parents Mobilization Action Group, kini ang usa sa iyang nakitang dakung hinungdan ilabi na kung nia sa syudad nagpuyo tungod kay busy sa trabaho ang ginikanan hinungdan nga mokuyog na lang ngadto sa uyab ang ilang anak.
Tungod niini, sugyot ni Matthew nga pakusgan pa sa eskwelahan ang kampanya sa family education samtang sa simbahan pakusgan ang awareness kabahin sa teenage pregnancy ug mga ginikanan gikinahanglang maggahin ug panahon aron ilang ma-estorya gayud ang ilang mga anak sa mga suliran nga ilang nasugata karong mga panahona.
RadyoMaN Bernard Pantallon
