PMAG: Weekdays karaoke ban dakong tabang sa mga estudyante

16

Davao City – Dakong bintaha sa pagtuon sa mga estudyante sa blended learning ang pag-ban sa karaoke ug sa videoke gikan sa adlaw’ng Lunes ug hangtud sa adlaw’ng Biyernes.

Sumala ni Parents Mobilization Action Group (PMAG) President Febe Matthew nga mas maayo i-ban ang videoke ug karaoke atol sa maong mga adlaw sa pagtuon sa mga kabataan sa blended learning.

Segun ni Matthew, distorbo sa pag-eskwela sa kabataan ang banha sa videoke ug sa karaoke bisan pa og sa takna sa alas-10:00 sa gabii tugtan ang mga mangantahan nga makagamit niini.

Matud niini, dili makadiskanso og sayo ang mga ginikanan kon dunay magsiya-ok sa videoke ug karaoke ug dili na hinoon sila kapokus og tudlo sa modules sa ilang mga anak tungod nabilar sila anang gabhiona.

Busa hangyo ni Matthew sa mga mangantahay nga isakripisyo na lang una ang ilang kalipay sa videoke ug sa karaoke sa ngalan sa kaayohan sa pagtuon sa mga estudyante sa distance learning system karon.

Hinoon gisugyot ni Matthew ngadto sa gobyerno ang adlaw’ng Biyernes ug Sabado alang sa videoke ug karaoke aron ang dunay talent sa pag-awit makapalanog sa ilang mga tingog sa paborito nilang kanta.

RadyoMan Joel Viray




Facebook Comments