Davao City – Natala karong panahona sa Philippine Mental Health Association o PMHA Davao chapter ang pinakabata nga naga-agi og depresyon.
Sumala ni PMHA Davao chapter executive director Precious Manliguez atol sa gilusad nga mental health forum sa DXDC RMN Davao sa Interface Computer College sa syudad, gibutyag niini nga aduna silay kliente giingong na-depress sa edad nga 9 years old lang.
Pagpasabot ni Manliguez nga ang depresyon walay gipiling edad, gender ug estado sa kinabuhi diin sumala pa kini usa ka matang sa sakit tinukmod sa walay undang nga gibating kaguol ug pagkawala sa gana diha sa mga aktibidad nga ginabuhat sa usa ka indibidwal.
Sa datos sa Department of Health kun DOH, anaa sa 3.3 million ka mga pinoy ang nag antos sa giingong depressive orders.
Busa padayon ang ilang mga lakang karon sa tumong nga mapatas-an ang kahibalo sa katawhan kalabot sa importansya sa mental health.
RadyoMaN Renz Barbarona
