Sa pakighinabi sa DXDC RMN Davao kang Precious Manliguez, Mental Health Specialist & Consultant, Philippine Mental Health Association (PMHA) Davao Chapter, iyang gisulti nga ugaling maaprubahan man ang maong pondo, mas maayong pakusgan pa ang awareness campaign o promotion sa mental health ilabi na niadtong mga barangay nga lisod maabot sa maong mga aktibidad.
Dugang ni Manliguez nga dinhi sa Davao City, naka-establisar na ang intervention ug medication programs sa mental health, apan kinahanglan pa gihapon ang dugang mental health promotion pinaagi sa mga learning session, seminar, webinar, ilabi na gayud ang ginahimong lectures sa mga komunidad.
“Unta ma-allocate og maayo ang budget nga kung asa tong mga Areas of Concern mas palapdan, mas pakusgan nato ang promotion. Although ang PMHA nagpadayon man sa paghimo ana pero pila lang pud ang among kaya nga mahimo. Dili pud ingon ana kadako ang amoang capacity to do that one,” sulti ni Manliguez.
RadyoMaN Kirby Manzon
