Davao City- Makonsidera usab nga pandemya karon ang depresyon ug suicide kung basehan ang pagsaka ngadto sa 25.7%, ang suicide rate sa Pilipinas base sa datus sa Philippine Statistics Authority.
Sumala ni Philippine Mental Health Associal Davao City Chapter Executive Director Precious Manliguez, posible pang mudaghan ang ihap sa mental health related cases kung dili dayon kini maayudahan ang mga pasyenteng nanginahanglan og psychosocial intervention ilawom karon sa pandemya.
Matud ni Manliguez, nakita nga problema sa ekonomiya o work flow nunot sa COVID-19 pandemic ang naka-contribute ngadto sa mga indibidwal kinsa ubos na daan ang resiliency level hinungdan usab nga daghan ang emotionally ug mentally affected sa mga gapanghitabo.
Libre ang 24/7 nga online counseling sa PMHA mamahimong mutawag lang niining mga numero sa GLOBE: 09451840793, SMART : 09618556885, PMHA Davao Davao: 09065867136 o mag-message sa PMHA Davao City Chapter sa facebook para makapa-appoint og counseling.
“Naa tay 7 ka mga psychologists online sila tanan, naa sila located sa Davao City and Visayas, naa tay usa ka psychiatrists and then duha ka mga technical staffs nga mag-handle aning mga clients coming in,” sumala ni Manliguez.
RadyoMaN Aimee Guunita
