Sa pakighinabi sa DXDC RMN Davao kang PMHA Davao Chapter Executive Manager Teofilo Limikid atol sa Serbisyong Straight to The Point kauban si RadyoMan Renz Barbarona, iyang gipadayag nga tanang kaso nga may kalabutan sa mental health, mag channel down sa relationship issues.
Gipasabot niya nga tungod ang batan-on mubo pa og tolerance ug pasensya sa pagsabot ug pagkonekta sa mga taong nakapalibot kanila nga muresulta sa social confusion sama sa ‘ing-ani diay ang kinabuhi?’ ‘ing-ani diay ang akong pamilya?’ ug ‘ing-ani diay ang mga tawo?’.
Gibutyag usab ni Limikid nga nga sagad mga batan-on nga muduol sa ilaha o nalambigit sa suicide aduna’y problema sa partners, aduna’ gusto isulti sa pamilya apan mahadlok sila mu-storya kay dili sila paminawon sa ilang ginikanan.
“I-normalize nana ninyo kung nakafeel namo nga kailangan na ninyo og psychologist. There’s no issue there, let’s normalize mental health. Kung naay something nibagabag sa imong hunahuna, it’s normal to say that you are not okay. And it’s normal to say nga gusto kag psychologist kay gusto ka makipagstorya. So, i-normalize nato nga bisag dili ka okay, that’ is okay kay being not okay is fine,” pahinumdom ni Limikid.
Panawagan sa PMHA Davao Chapter nga everyday is a suicide prevention day dala ang panghinaut nga gahinan kini og oras sa mga komunidad bag-o pa maulahi ang tanan.
RadyoMan Ivy Parido
