PMHA: DXDC tulay sa pagpakusog sa Mental Health Awareness

Davao City – Gipasalamatan sa Philippine Mental Health Association (PMHA) Davao ang dakong kontribusyon sa media ilabi na sa DXDC RMN Davao sa pagpakusog sa kampanya alang sa mental health.

Gisulti ni Precious Manliguez, Mental Health Consultant sa PMHA-Davao, nga halos usa ka dekada na ang partnership sa DXDC ug sa PMHA, diin dakong tabang ang radyo ilabi na sa mga lugar nga walay kuryente o walay internet, aron sila mahatagan og igong kahibalo sa mga programa kalabot sa mental health ug uban pa niining adbokasiya.

“I really appreciate nga ang mga media practitioner sama ninyo, ilabi na gyud ang DXDC, nga sugod 2015 if I am not mistaken, kanunay na mi nahimong part sa inyong program, sa inyong advocacy on mental health,” sulti ni Manliguez.

Matud ni Manliguez nga ubay-ubay usab ka mga aktibidad sama sa trainings ang ilang ginahimo ilabi na nga Mental Health Month ang Oktubre ug ugmang adlawa, Oktubre 10, 2023 ang Mental Health Day.

Madunggan ang DXDC sa 621kHz sa AM radio dial. Pwede usab nga i-follow ang Facebook pages sa DXDC nga mao ang DXDC 621 RMN Davao ug DXDC Digital, ug sa uban pang online platforms sama sa YouTube, Instagram, Twitter, ug TikTok.

RadyoMaN Kirby Manzon