Sa interview sa DXDC RMN Davao kang Precious Manliguez, usa ka mental health advocate ug consultant sa PMHA Davao Chapter, iyang gibutyag nga sa panahon nga adunay panagbuwag sa magtiayon, unang pasabton ang mga anak sa proseso ug sila kanunay gihapon nga subaybayan.
“Kung makita na nila nga naa nay hint o naa nay lain nga relationship sa magsuon sa maong set-up, pwede nata mag apil og family or group sessions or counseling aron straighten out nato kay the situation itself is complicated,” sumala kang Manliguez.
Kahinumduman nga usa ka manghud ang gipatay sa 14 anyos nga step-brother sa Lapu-Lapu, Cebu City pinaagi sa pagbunal og bato ug paglumos sa dagat human kini iyang napahimungtan sa iyang kalagot ngadto sa iyang ama-ama. Nasuta nga magsuon ang suspek ug biktima sa inahan apan managlahi sila og amahan.
Sumala usab ka Manliguez nga basin aduna pay mas lawom nga rason kung nganong nabuhat kadto sa igsuon o mas nakita ba niini nga mas gitagaan og pabor ang iyang manghud diha sa ilang pamilya.
RadyoMaN Ivy Parido
