Sa pakighinabi sa DXDC RMN Davao kang Precious Manliguez gikan sa Philippine Mental Health Association (PMHA) Davao Chapter, iyang gibutyag nga adunay mga ginikanan nga mapuno na sa mga pagsulay hinungdan nga mahinaykan nila ang ilang mga anak.
Kini human nga usa ka 7-month-old baby ang gilambos ug napatay sa iyang amahan sa Magsaysay, Davao del Sur.
Matud ni Manliguez nga posibleng adunay naka-trigger sa amahan nga mga problema maong namalik tanan sa iyang hunahuna ang mga sitwasyon nga nagpait sila nga miresulta sa kamatayon sa iyang anak.
“Unfortunate kaayo ng ing-ana nga nakit-an na dayon sa bata nga wala pa siya ka-birthday og 1, nakita na niya nga harsh kaayo ang kalibutan. It’s really sad kay ang uban gani walay anak, maningkamot nga mang-adopt o unsa pa diha. So I hope nga, shout out sa mga ginikinan diha nga once your become a parent, bisan di ka biological parent, bisag adopted lang nimo. Dapat ipakita gyud nimo nga gina-uplift gyud nimo ang katungod sa bata,” pamahayag ni Manliguez.
Subay niini, panawagan ni Manliguez sa mga ginikanan nga panalipdan ang ilang mga anak ug likayan ang mahimong hinungdan na hinuon sa ilang kasakit.
RadyoMaN Ivy Parido
