Davao City – Nagpasalamat ang Philippine Mental Health Association
(PMHA-Davao) ngadto sa DXDC RMN Davao isip media partner atol sa
gipahigayong health conference nga adunay titulong “Prevention and Safety
is a Race we all can Win: A Conference on Mental Health Response and
Preparedness on Disaster” nga gilusad kagahapong adlawa, Marso 21, 2018.
Sa pakighinabi kang PMHA-Davao executive manager Precious Manliguez,
gilauman niya nga sa muabot pa nila nga aktibidad makauban gihapon nila ang
DXDC team sa pagpaabot sa impormasyon ngadto sa katawhan nga buot pa
makakat-on ug madungagan ang kaalam kabahin sa mental health.
“In behalf sa PMHA-Davao ug ang board of management, nagpasalamat mi sa
partnership nga gihatag sa DXDC 621 RMN Davao. Maglaum mi nga sa muabot nga
activities namo, mahimong partner gihapon ang DXDC. It is really our
privilege nga naay official media partner, hopefully mas ma-concretize pa
nato ang atong partnership,” sigun ni Manliguez.
Kagahapong adlawa, nahimong malinawun ug nagmalampuson ang gihimong
aktibidad didto sa Martha’s Place Brokenshire College diin gipahibalo
ngadto sa mga misalmot nga mga professionals ug mga estudyante ang kalabot
sa pagpangandam sa mental nga aspeto sa matag delubyo o kalamidad nga
muabot.
Una ng gipasabot ni Manliguez nga sagad sa mga mabiktima sa delubyo
makasinati og kasubo, trauma o depresyon busa kagahapon ilang gipalapdan
ang kahibalo sa publiko diin gihisgutan ang angay nga himuon sa matag
indibidwal kinsa posibleng maigo niining nga mga suliran.
RadyoMaN Renz Barbarona
