Sa naunang pakighinabi sa DXDC RMN Davao kang PMHA Davao Chapter Executive Manager Teofilo Limikid, iyang gipadayag nga tanang kaso nga may kalabutan sa mental health, mag-channel down sa relationship issues.
Gipasabot niya nga tungod ang batan-on mubo pa og tolerance ug pasensya sa pagsabot ug pagkonekta sa mga taong nakapalibot kanila nga muresulta sa social confusion. Ug gibutyag nga sagad mga batan-on nga muduol sa ilaha o nalambigit sa mental health problems aduna’y problema sa partners, aduna’y gusto isulti sa pamilya apan mahadlok sila mu-storya kay dili sila paminawon sa ilang ginikanan o wala silay makuhang suporta.
Kini nga hisgutanan nagsumikad kang Kriszelle Ann Cabo, ang nag-viral nga lady rider sa Toril nga nagsinamok sa 70.3 Ironman sa Davao City kinsa una nang miangkon sa social media ug sa interview ni RadyoMaN Don Pulayao ng nakasinati ug depression ug anxiety tungod sa mga kasinatian sama sa relasyon sa partner ug sa pamilya.
Dugang pa nga adunay gyuy mali ang gibuhat ni Kriszelle apan inay sawayon, kinahanglan matud pa siyang tabangan.
Samtang sa interview usab sa DXDC RMN Davao kang Police Captain Hazel Tuazon, gibutyag niini nga nag-file na ang kaso sa korte ug wala pa nakapyansa si Kriszelle apan andam silang suportahan ang counselling niini.
RadyoMaN Ivy Parido
