Pneumonia top 3 sa mortality, morbidity rate

67

Davao City – Usa sumala pa ang Pneumonia sa nag-unang balatian nga sagad mukutlo sa kinabuhi subay sa datus sa City Health Office (CHO) dinhi sa Davao.

Sa pakighinabi sa DXDC RMN Davao kang Dra. Marjorie Culas, Asst. City Health Officer, gibutyag niini nga anaa sa top 3 ang Pneumonia sa mortality ug morbidity rate diin ubay-ubay na ang mga namatay tungod sa maong sakit labi na kung kini mapasagdan.

Gibutyag ni Culas nga sagad apektado sa maong balatian ang mga nag edad og 60-anyos pataas ingon man sa mga bata (infants) hangtud na sa 5-anyos diin magsugod kini sa respiratory infection ug partikular nga maapektuhan ang atay.


Pagpasabot sa health officer nga adunay usay nagkalain-laing senyales ang maong balatian. Sa mga bata, bantayanan ang gahi nga ubo nga mulungtad na og sobra tulo ka adlaw, daghan ang plema, mag hangus o maglisod og ginhawa, adunay pagkalintura ug dili na ganahan mag dede.

Samtang, sa adult o sa mga elderly, bantayanan usab ang pagkalintura, pag hangus o paglisod sa pagginhawa, pag-usab sa color sa plema tunod sa infection, pagbaton og backpain, pagkawala sa appetite, dili na kaayo ganahan mo-istorya ug dili na active.

Gibutyag sa opisyal nga adunay libreng anti-pneumonia vaccine nga ginapang apod-apod sa Department of Health (DoH) ngadto sa mga barangay health centers aron nga makunhuran ang kaso sa maong balatian.



RadyoMaN Kirby Manzon

Facebook Comments