Davao City – Aduna nay napulo ka medalya ang syudad sa Davao sa nagpadayong Philippine National Games kun PNG sa Cebu City.
Base kini sa pinakaulahing update sa partial and official medal tally sa maong paugnat sa kusog diin nakasakmit na ang mga atleta gikan sa Davao City og duha ka gold medals, duha usab ka silver samtang unom ang bronze medals.
Subay sa maong resulta, sa kasamtangan anaa sa rank 12 ang Davao City samtang nanguna ang Cebu City nga adunay 27 ka medalya gisundan sa GENSAN nga anaa sa rank 2 nga nakasakmit og 18 medals ug rank 3 ang Baguio City nga nakakuha og 11 ka mga medalya.
Ikatulong adlaw na sa Philippine National Games diin gilauman sa mga atleta ug delegados gikan sa Davao City nga musaka pa ang ranking.
Kahinumduman nga pormal nga giabrihan ang maong paugnat sa kusog niadtong adlawng Sabado sa Cebu City Sports Complex nga gitambungan ni President Rodrigo Duterte.
RadyoMaN Renz Barbarona
