Nanawagan karon ang kapulisan dinhi sa probinsya sa Zamboanga Del norte nga batonan gayud ug sundon ang balaod sa Comelec Gun Ban ug dili ibaliwala ang kanunay ang pahimangno sa kapulisan nga dili maghupot ug armas de fuego nga walay lisensya.
Kini tungod kay kung masapon o makuhaan ug mga armas diha sa ilang pagahimoon nga checkpoint mag atubang gayud ug kaso may kalabutan sa paghupot ug ihalas nga armas lakip na ang kalapasan sa Comelec Gun Ban.
Gani ning bag-ohay lang usa ka sekyu ang nakuhaan ug kalibre .45 sa gimontar nga checkpoint sa mga tinugyanan sa balaod didto sa lungsod sa labason.
Hangyo sa PNP nga kung ma harang sa mga checkpoint kinahanglan nga ipakita gilayon ang mga rehistro sa motor ug driver’s license aron sa ingon dili malangan sa byahe.
Samtang gawas sa mandato nga responsibilidad sa PNP isip deputized sa Commission on Elections, ilaha usab nga gisunod ang PNP 8 Point SIDEPLAN para sa 2019 Midterm Election.
Ang 8 Point SIDEPLAN mao kini ang mosunod; strikto nga pagpatuman sa Comelec Gun Ban, pag buhat ug mga law enforcement operation, pagpukan sa mga private arm group, sayo nga pag prepara para sa seguridad ug contingency plan, paghatag ug seguridad para sa mga yanong kandidato’ paghimo ug reshuffling sa mga personahe sa PNP, pagbalanse sa mga loose FAs; ug pag neutralize sa mga gun for hire ug criminal Gang.
