Davao City – Gitino karon sa Police Regional Office (PRO-XI) nga abli ang ilang buhatan kung adunay mga pagahimoong imbestigasyon sama sa nahitabong Mandaluyong shooting incident nga gikalambigitan sa kapulisan.
Gibutyag ni PRO-XI spokesperson Chief Insp. Andrea dela Cerna sa pakighinabi kaniya sa programang ‘Straight to the Point’ nga aduna silay saktong proseso sa ilang mga operations kun standard ‘Police Operational Procedures.’
Apan sumala sa tigapamaba sa PRO-XI, kung man ugaling mapamatud-an nga adunay salaud nga nahimo ang usa ka personahe sa kapulisan, dili nila kini gina-tolerate kun ginapasagdan.
“We (PNP) are not a perfect organization, meron din kaming pagkakamali minsan,” gikanayon ni dela Cerna.
Kahinumdoman nga nakwestion na usab ang integridad sa PNP sa dihang adunay napatay nga mga sibilyan didto sa Mandaluyong atol sa usaka police operations diin sayop diay ang datos nga ilang nakalap sanglit dili man mga suspetsado ang luwan sa behikulong ilang gipaarakan kon dili iya sa mga biktima.
RadyoMaN Jason Amisola
