Gihan-ay na sa kapolisan sa Central Visayas ang pagpangandam niini alang sa pagdagsa sa mga bakasyonista , panahon sa Semana Santa.
Gawas sa mga kalihukan sa simbahan , hatagan usab ug igong seguridad sa kapolisan ang mga dapit nga suroyonan sa Sugbu ug ubang probinsiya sa rehiyon -7 sa mga lokal ug langyaw nga turista alang sa taas nga bakasyon sa Semana Santa.
Ang tigpamaba sa Police Regional Office -7 nga si Supt. Reyman Tolentin nibutyag nga magbutang sila ug tourist assistance desk ilabi na sa habagatang bahin sa lalawigan sa Sugbu .
Subay usab kini sa padayong pag-ila sa mga nasud sa Canada , Australia ug Amerika nga adunay hulga sa mga terorista .
Lakip sa mga dapit dinhi sa Sugbu nga dagsaan sa mga turista kung Semana Santa mao ang Isla sa Bantayan.
