Kini human nga gidunggab-patay sa bana ang iyang mismong asawa tungod sa selos, nahitabo sa Sitio Kaltipay, Barangay Tucal, Sarangani, Davao Occidental alas 10:00 sa gabii niadtong Martes, Enero 10, 2023.
Ang biktima mao si Rizalyn Mandod Jose, 27 anyos, samtang ang suspek usa ka Neritz Tapican alyas ‘Renren’, 37 anyos, diin sila adunay lima ka mga anak.
Sa interbyu sa DXDC RMN Davao kang Police Senior Master Sergeant (PSMS) Nicky Calinawan, police investigator sa Sarangani Municipal Police Station (MPS), gibutyag niini nga aduna nay record sa Barangay ang magtiayon tungod sa ilang mga bangi.
“Naa man ‘tay mga elders. Naa ‘tay mga pastor, religious leaders. Pwede man ‘ta makakuha og mga guidance didto. Matambagan ang couple para dili na musampot sa ingon ani ba nga kuhaon nimo ang kinabuhi sa imong partner tungod lang sa gamay nga rason,” tambag sa pulis.
Sa pagkakaron, gibalhog na ang suspek nga nadakpan sa awtoridad kagahapon sa buntag diin kini mag-atubang sa kasong Parricide.
RadyoMaN Kirby Manzon
