PNP Bukidnon, gipamugos nga wala sila nagkulang sa intelligence gathering

35

Gipamugos sa Bukidnon Police Provincial office nga wala sila nagkulang sa ilang gihimong intelligence gathering.

Kini human giharass sa tulo ka mga armadong tawo ang San Fernando Municipal Police Station ug ang kampo sa 1003rd Manuever Company sa lungsod sa San Fernando kaniadtong Huwebes sa gabie. Hinoon walay nasamdan o kaha namatay sa mao nga insidente.


Sa interview sa RMN Malaybalay ngadto kang PCpt. Jiselle Longakit ang spokesperson sa PNP Provincial Command gibutyag niini nga sa karon ila nang nasuta ang grupo nga naghimo sa pagpangharas.

Posibleng karong adlawa o ugma ila nang ipasaka ang kaso batok sa mga suspek.

Nagpadayon usab daw ang gihimong imbestigasyon human ang maong pagpangharas.

Gibutyag pa ni Longakit nga mas gipakusog karon ang ilang intelligence gathering human ang mao nga insidente.

Gipamugos usab niini nga nangita lang ug oportunidad ang mao nga grupo ayha mu-atake.

Facebook Comments

From Advertisers