Generally peaceful ang pag-obserbar sa adlaw sa mga santos ug kalag sa lalawigan sa Bukidnon.
Sa interview sa RMN Malaybalay ngadto kang P/Senior Inspector Jisell Longakit, ang tigpamaba sa PNP Provincial Command gibutyag niini nga wala silay namonitor nga mga insidente nga adunay kalambigitan sa kalag-kalag.
Gipasigarbo sa PNP ang ilang malampusong security measures nga gipatuman.
Gibutyag ni Longakit nga nahimong epektibo ang ilang operasyon sa pagbantay sa kahusay ug kalinaw sa probinsya, taliwala pa man sa hadla sa pagpangatake sa mga sakop sa rebeldeng New Peoples Army.
Adunay mga gipakatag nga mga augmentation sa nagkadaiyang lungsod.
Gitin-aw usab sa opisyal nga dili related sa pagtamod sa kalag-kalag ang granade attack sa detachment sa RFMC-10 sa Halapitan, San Fernando, Bukidnon.
Nahitabo ang mao nga paglabay sa granada sa Oktobre 31 sa gabie ug sa wala pa kini nahitabo nakadawat na daan ang intelligence division kalabot sa posibleng kagubot nga himoon sa NPA.
Samtang nagpasalamat usab si Longakit sa publiko ug force multipliers alang sa pagpabilin sa kahapsay ug kalinaw sa Bukidnon.
