Davao City – Sirado na ang kaso ni Renuel Habillo, 32-anyos, suspek sa pagpatay sa mag-inahan sa Purok New Water Fall, Barangay Megcawayan, Calinan District ning atong syudad sa Davao human kini namatay tungod sa pagpangilog og pusil niadtong Sabado, November 9, 2019.
Sa interbyu sa DXDC RMN Davao kang Police Major Arquimedes Wesley, hepe sa Calinan PNP, gisaysay niini nga ala-1:30 niadtong Sabado, sa dihang nagkuha ang kapulisan og finger print sa suspek, kalit sumala pa kining nangilog og pusil resulta sa insidente. Gisulayan pa pagdala ang suspek sa ospital apan gideklara na kining dead on arrival.
Gibutyag ni Wesley nga sa ilang imbestigasyon, si Renuel lang ug wala nay laing suspek nga mamahimong makasohan ug manubag sa krimen rason nga makonsidera nang ‘case closed’ ang kasong 2 counts of murder nga gi-atubang sa suspek.
“Ganun talaga. Wala naman tayong ibang suspek kay gina-imbestigahan din namin kung mayron pa bang kasamahan pero sa lumalabas na siya lang talaga ang salarin dito sa pagpatay sa mag-ina,” saysay ni Wesley.
Kahinumduman nga niadtong adlawng Miyerkules, November 6, 2019 sa dihang gitigbas patay sa suspek ang giingong uyab niining si Evelyn tungod sumala pa sa selos diin gidamay pa ang anak sa biktima sa dihang kini misinggit hinungdan sa kamatayon sa mag-inahan.
RadyoMaN Kirby Manzon
