Sa interbyu sa DXDC RMN Davao kang Police PLT. Col. Ronald Lao, Station Commander Sta. Ana Police Station, nagpahimangno sa mga tag-iya og establisemento nga gidili ang pagbaligya og mga pabuto nga gamiton alang sa Pasko, tungod kay gidili kini ug mamahimong makasohan.
Segun ni Lao, sa ilang gihimong pagmonitor wala pay mga nadakpan nga nagbaligya sa ilang area of responsibility (AOR).
Samtang giingon usab ni Police Major Marvin Hugos Station Commander San Pedro Police Station, gimandoan niya ang iyang mga sakop nga monitoron o bantayan nga dili makasulod ang kontrabando sa Davao City.
“(Sa) tanan taga Davao City, likayan nato kining pabuto panahon sa pagselibrar nato sa pasko og bag-ong tuig,masmaayo nang i-celebrate nato ang bag-ong tuig og pasko nga dili ta makalapas sa balaud, simba ko lang nga mabuthan ta dako na nuon nga problema,” segun sa hepe.
RadyoMaN Don Pulayao
