Suportado ni PNP Chief , Director-General Ronald “Bato” Dela Rosa ang pahayag sa regional director sa Commission on Elections sa Central Visayas nga wa kini nakitang sayop sa pagpublikar sa pangan sa mga mokandidato sa Barangay Election nga anaa sa listahan sa mga nalambigit sa ilegal nga drugas.
Alang ni Dela Rosa mas maayong transparent usab ang mga kandidato alang sa ilang pagpapili sa umaabot nga eleksiyon sa barangay sa sunod buwan .
Ang kapolisan adunay kopya sa listahan sa mga opisyal sa barangay nga gilambigit sa operasyon sa ilegal nga drugas nga posibling magpapili gihapon sa umaabot nga eleksiyon .
Matud ni Dela Rosa nga kung mapublikar ang narcolist , wa usab kini nagpasabot nga mahimo kining makapadisqualify sa kandidato .
Una niini si Comelec 7 Regional Director Rafael Olaño namahayag nga katungod usab sa mga botante nga mahibawo sa background sa ilang pilionon nga mga kandidato.
