PNP Chief Dela Rosa, nagkadlaw lamang sa pamangkot kon san-o ma-assign sa Iloilo si PChief/Insp Jovie Espenido

1796

ILOILO – Nagkadlaw lamang si PNP Chief Director Ronald Dela Rosa sa pamangkot kon san-o ma-assign sa Iloilo si Police Chief Inspector Jovie Espenido, ang hepe sang Ozamiz City PNP.

Sa interview sang RMN Iloilo, ginpahayag ni Dela Rosa nga madamo nga mga LGU’s ang naga-request nga i-assign man sa ila lugar si Espenido agud masolbar ang problema sa illegal nga druga.

Una diri, gin-ako sang PNP Chief nga ginbutang niya sa Ozamiz City si Espenido para sa isa ka misyon nga solbaron ang malapnagon nga problema sa illegal nga druga.

Ini bangud nahibaluan niya nga indi basta-basta mahigtan sa liog ang nasambit nga opisyal sang mga ginakabig narco-politcians.

Nahibaluan nga si Espinido man ang hepe sang Albuera, Leyte sang mapatay man sa operasyon sang CIDG si Mayor Rolando Espinosa.

Facebook Comments