May daku nga plano ang rebelde nga New People’s Army (NPA) sa Visayas.
Ini ang ginpahayag ni PNP Chief Dir. Gen. Ronald dela Rosa sa iya pagbisita sa mga pilason nga police kalakip na ang napatay nga si PO1 Joefil Odon kahapon.
Suno sa iya, may daku nga plano ang rebelde nga grupo rason sang asud-asod nga pagpang-atake sang mga ini sa mga kapulisan bilang kabahin man suno sa iya sang diversionary tactics sang mga rebelde agud matunga ang atensyon sang PNP kag AFP.
Nagpamalibad man ang PNP Chief sa paghatag sang mensahe sa rebelde nga grupo bangud suno sa iya, bisan ano pa nga mensahE nga ginapalab-ot sang gobyerno sa makawala nga grupo, wala man ang mga ini nagapamati sa baylo, nagapadayon sa gihapon ang pagpanghalit sang mga ini.
Nahibaluan nga kadungan sang iya pagbisita, naghatag sang financial assistance si General dela Rosa sa mga biktima sang pagpang-ambush sa banwa sang Maasin halin sa PNP fund kag personal money.
