Sa programa ni Roque sa SMNI, mibuhi kini og pulong nga kung adunay mahitabong dautang kang Vice President Sara Duterte human kini gikuhaan og security personnel, lantawun nilang suspect si Marbil. Nagtuo sab kini nga adunay plano ang PNP tungod sa gihimong pagpang-ipit karon sa bise.
“Pag may nangyari kay VP Sara, suspect si Marbil. Ako malinaw, baka may plano sila laban kay VP Sara at laban sa lahat sa amin na tinanggalan ng security. Kaya kung may mangyari sa amin, ang unang suspect ay yung nagtanggal nung taong nagbibigay sa amin ng seguridad. Diba obvious naman yan,” segun ni Roque.
Kahinumdoman nga nagpagula og suwat si VP Sara alang sa hepe diin giangkon niini nga apektado ug nadamay na ang seguridad sa iyahang pamilya gumikan sa giingong ‘political harassment’ nga nasinatian niya.
Samtang sa usa ka media interview, mas gipili ni Marbil nga dili na tubagon pa ang maong isyu.
RadyoMaN Ivy Parido
