Subli karong gipahinumduman sa hepe sa PNP nga si Police Brigadier General Oscar Albayalde, hugtanon gayud nga gidili ang pagdawat o pagpangayo ug regalo ngadto sa mga pribadong indibidwal aron dili maduhigan ang trabaho isip pulis
Rason sa maong pagdili tungod kay makahatag kini ug pabor unya sa umaabot nga panahon kun si kinsa ang naghatag ug mga regalo ug posible na unya nga dili makabalibad ang usa ka taas nga opisyal sa pulis kun adunay ihangyo.
Gidili man gayud sa balaod ilawom sa R.A 3019 ang Anti graft and Corrupt Practices Act ug R.A 6713 kun Code of Ethics ang ethical standard of public officials and employees.
Pero gipasabot ni Albayalde nga adunay mga regaling gitugutan sa balaod ilabi na sa mga public officials.
Anaa sa Sec. 14 sa R.A 3019 naka latid nga wala gibawal ang mga regalong gamay ra ang kantidad.
Dinhi sa rehiyon 9 nagpahinumdom usab ang director nga si PBGEN FROILAN F QUIDILLA ngadto sa mga hepe sa kalungsuran ug syudad lakip na ang mga provincial director nga likayan gayud ang pag dawat sa mga regalo.
