Ginhingyo ni PNP Chief Director General Oscar Albayalde ang publiko nga ireklamo ang mga pagpang-abuso ukon paglapas sang mga pulis sa ginapatuman nga kampanya kontra sa mga tambay.
Suno kay Albayalde, nakahanda sila nga pamatian ang mga reklamo kag ginpasiguro nga ila ini hatagan sang nagakaigo nga aksyon.
Sa pagkamatuod suno sa iya, may mga pulis na sila nga napahalin sa serbisyo bangud sa sala nga pagpatuman sang kampanya kontra tambay.
Gin-athag man sang PNP Chief nga hugot ang iya direktiba sa mga pulis nga respetuhon ang tawhanon nga kinamatarong sang kada indibidwal.
(photo from web)
Facebook Comments
