General Santos City–Nanawagan karon si Gensan City PNP Director Aden Lagradante sa katawhan sa Gensan nga isumbong sa kapulisan kung dunay nakit-an nga nagapadula og tolendoy sa ilang mga Purok. Sumala ni Lagradante nga usa ka matang sa iligal nga sugal ang tolendoy hain ginagamit ang slot machine.
Kung kahibaloan nga sa nakalabayng adlaw lang gipangguba sa kapulisan sa Gensan uban ang mga opisyal sa syudad ang mga nakompiskang tolendoy atol sa raid sa pipila ka mga Barangay sa Gensan hain gipahigayon kini sulod mismo sa Camp Fermin Lira.
Gipasidan-an usab ni Col. Lagradante ang mga nanag-iya og nagapadula og tolendoy nga dili magduha-duha sa pagsikop kanila ang Gensan PNP higayon nga sila maaktohan sa iligal nga gimbuhaton.
Giawhan usab niini ang mga hepe sa matag Police Station nga hugot nga magmonitor sa ilang area of responsibility aron mabantayan ang mga iligal nga sugal lakip na niini ang mga tari-tari sa mga barangay.(Jordan Britos)
