Davao City – Misaka ngadto sa 219 ka mga pulis ang nakarekober sa COVID-19 sa nasud.
Niadtong Miyerkules sa PNP COVID-19 tracker, 382 ka mga pulis ang nagpositibo sa COVID-19 samtang lima (5) ang namatay.
Gibutyag ni PNP Director General Archie Gamboa, nagpagawas na kini og mando sa kapulisan kalabahin sa bag-ong patakaran kontra COVID-19.
Sumala ni Gamboa nga kabahin na sa uniporme sa pulis ang face masks ug face shields.
“Ang amoang iwasan nga mahimo ming carrier didto sa mga vulnerable which includes the public. Kaming mga pulis kusgan tan-awon pero diay infected so posible mi nga makatakod, ang problema katong matakdan,” segun ni Gamboa.
Gi-reconfigure ang tanang mga opisina sa kapulisan sa pagpatuman sa social distancing ug limitado ang mga motambong sa flag raising ceremonies ug mga aktibidad.
RadyoMaN Aimee Guinita
