Davao City – Gipaneguro sa Philippine National Police (PNP) nga maresolba ang isyu sa pagpamatay sulod sa syudad sa Davao sama na lamang sa mga napalgang putol-putol nga parte sa lawas.
Atol sa interbyu kaniya sa tulumanong ‘Straight to the Point’, gibutyag PNP spokesperson P/Sr. Supt. Benigno Durana Jr. nga hatagan kini nila og hinanaling pagtagad gumikan gikunsidera ang Davao isip modelo sa ‘peace and order’.
Dako usab ang pagsalig ni Durana sa mga ehekutibo sa dakbayan ilabi na kang Mayor Sara Duterte-Carpio nga dili niini tugtan molipang ang krimen ug mohulga sa seguridad sa mga lungsuranon.
Samtang hitsas na ang kapulisan sa paglusad sa ilang crime prevention initiative nga ‘Oplan Clean Rider’ diin tumong nga makunhuran ingon man mapakgang ang krimen nga gikalabutan sa Motorcycle-Riding Suspects (MRS).
RadyoMaN Jason Amisola
