Dili na mohimo ang kapolisan sa rehiyon-7 ug imbistigasyon sa pasangil sa pamilya sa tulo ka magsoong mga lalaki nga napatay atol sa buy-bust operation sa kapolisan sa dakbayan sa Mandaue niadtong Lunes sa kadlawon.
Ang hepe sa PRO-7 nga si Chief Supt. Jose Mario Espino niinsister nga lehitimo ang operasyon sa station 3 sa Mandaue City Police Office nga niresulta sa kamatayon sa magsoon nga sila si Ruben , John Vincent ug Jerome Umpad nga nagpuyo sa CICC compound sa Barangay Guizo sa Mandaue .
Matud ni Espino adunay impormasyon ang kapolisan nga ang magsoong Umpad sakop sa usa ka daku nga drug group sa maong dakbayan .
Subay niini matud ni Espino tahuron nila ang inisyatiba sa Commission on Human Rights-7 sa paghimo ug imbistigasyon kung aduna bay iregularidad sa operasyon sa kapolisan nga niresulta sa pagkamatay sa magsoong Umpad .
