Davao City – Sayo pa aron hulipan ang kasamtangang PNP director general sa Phililippine National Police tungod kay bag-o pa lamang sila nagsugod sa ilang kampanya batok gidiling droga.
Sumala ni Bureau of Jail and Management (BJMP-XI) male jail warden Grace Taculin, sa kasamtangan wala pay laing nakita si Presidente Rodrigo Duterte nga masaligan sa war on drugs gawas lamang kang PNP Director General Ronald “Bato” Dela Rosa.
Samtang gipasabot usab ni Taculin, walay balaod nga magtugot sa giingong Extra Judicial Killing (EJK) ilabina sa kampanya batok gidiling droga. Matud ni Taculin, dili mabasol ang pagtoo sa uban nga kung mapagan sa operasyon ilabina kung mamatay o mga suspect nga misukol og napusilan patay, ingnon na dayon nga extra judicial killing.
Gitataw usab ni Taculin, hatagan una sa higayon ang Philippine Drug Enforcement Agency (PDEA) human gibalik sa presidente ang tahas sa kampanya batok gidiling droga ug dili dayon husgahan tungod kay sa matag kampanya dunay iya-iya ug pamaagi.
RadyoMan Bernard Pantallon
