Operationalized na ang security plan entero Pilipinas alang sa ‘Todos Los Santos’ karong Nobyembre 1 ug liwas sa maong pag-komemorar nato sa adlaw sa mga minatay.
Sa media interview, gisugilon ni Philippine National Police (PNP) spokesperson Chief Supt. Dionardo Carlos nga focus sa mga awtoridad mao ang mga sementeryo, mga highways, bus terminals, airports and seaports, mga panimalay ug uban pang tapukanan sa katawhan.
Padayon usab ang ‘intelligence and information gathering’ aron susihan pag-ayo ang mga posibleng threats pinaagi sa pag-establisar ug ‘high level of awareness,’ segun sa tigpamaba sa nasudnong kapulisan.
Matud ni Carlos, aduna usay standing directive ug marching order si Chief PNP director-general Ronald Dela Rosa nga i-surveillance kadtong mga salawayong pulis kinsa inay nga magbantay o mag-vigilar sa mga pampublikong dapit, atua na man hinoon nagyampungad sa mga balay-kalingawan sama sa mga casinos.
Tutukan usab sa PNP ang mga insidenteng ‘kidnap-for-ransom’ ilabi na niadtong naglambigit sa mga bugok nga pulis kun mga ‘police scalawags’ sama niadtong mga suspetsado sa pag-abduct sa magpapatigayon nga si Carlos Tan, dugang pa sa tigpamaba sa kapulisan.
RadyoMan June Duterte
