Sa interbyu sa RMN Davao kang Police Major Joenel Pederio, Buhangin Police Station Commander, anaa sa lima ka mga cctv footages ang ginatrabaho sa Regional Anti-Cybercrime Unit (RACU) 11 aron maidentipika ang maong sakyanang naka-hit and run sa biktima.
Giawhag usab ni Pederio ang drayber sa maong behikulo nga mu-surrender sa kapulisan tungod ma-identipika gihapon nila kini.
Gideklarang dead on arrival si Mariscal sa Southern Philippines Medical Center (SPMC) niadtong Hunyo 9,2023 human kini maligsan alas 2:45 sa kadlawon.
Segun ni Pederio, nag-backride kini sa motor nga gidrayban ni Ruben Ponting Borgonia padulong sa Indangan, Buhangin, Davao City.
Sa pamahayag sa drayber nihunong sila aron mangihi ang biktima apan giingong na ‘out of balance’ kini pagnaog sa motor ug gisulayan pa’g pahunong ni Borgonia ang maong padulong nga sakyanan nga SUV apan nilahos gihapon kini ug naligsan ang biktima.
Daling misibat ang drayber ug wala na nihunong human sa insidente.
Segun ni Pederio, kasong reckless imprudence resulting to homicide ang atubangon sa ginaila pa nga drayber.
RadyoMaN Aimee Guinita
#TatakRMN
