![WEBSITE-18-×-10-in-2024-01-08T200716.117.jpg](https://i0.wp.com/rmn.ph/wp-content/uploads/2024/01/WEBSITE-18-×-10-in-2024-01-08T200716.117.jpg?resize=696%2C387&ssl=1)
Sa interview sa DXDC RMN Davao kang Police Captain Orlando Udalve, Chief of Police sa Bansalan MPS, iyang gisaysay nga base sa ilang nakuhang closed-circuit television (CCTV) footages, walay laing sakyanan nga na-involve sa aksidente kundili nilikay lamang si Dizon sa iyang kasugat nga sakyanan human kini nag-overtake sa usa ka kotse.
Giklaro usab ni Udalve nga upat ka lanes sa ang karsado ug layo ra ang mga case sa beer asa midiretso ang motor sa biktima.
“Wala sya nabangga sa kadtong iyahang kasugat (pero) nalagpot siya kay na-lose control man sya kay mura’g nialsa man ang ligid sa atubangan ato kay duha may ligid ato sa atubangan. Pag-alsa, nalagpot siya. Mao to, nalabay sya didto sa wala (nga lane),” saysay sa pulis.
Tungod sa impact, nakaangkon og severe injury ang 64 anyos nga negosyante nga daling gidala sa ospital apan gibawian ra usab sa kinabuhi.
Si Dizon usa ka iladong negosyante nga maoy nanag-iya sa Davao Crocodile Park, Mt. Apo Highland Resort sa Barangay Kapatagan, Digos City ug Dizon Farms. Nahimo usab nga presidente si Dizon sa American Chamber of Commerce – Davao City Chapter.
Samtang, mibaha ang pahisubo gikan sa higala ug kaila alang sa pamilya ug kabanay sa mipanaw nga negosyante.
RadyoMaN Kirby Manzon