Gin-ako sang Philippine National Police nga wala sang command plan ang ahensya kun paano mauntat ang extra judicial killings.
Suno kay PNP Dir. Gen. Ronald Dela Rosa nagasalig lamang sila sa daan na nga police procedure.
Ini ang gin-ako ni Dela Rosa sa pamangkot ni Senator Franklin Drilon sa senate hearing sa kamatayun ni Kian Delos Santos sa isa ka police operation.
Sang ginpangayuan sang spot reports sang tanan nga nga mga anti-drugs operations kun sa diin may napatay nga subject, ginpahayag ni Dela Rosa nga magahingyo pa sya sang pahanugot gikan kay President Duterte.
Sang nagligad nga hearing sa kamatayon ni Albuera Leyte Mayor Rolando Espinosa nagpangayo man sang sport report si Drilon apang wala nakahatag si Dela Rosa.
Sa amo man nga hearing liwat naman nga naghibi si Dela Rosa sang ginhambalan nga nangin polisa na sang PNP ang EJK.
