Mas madali at ligtas na ang firearm licensing ng Philippine National Police (PNP).
Ito’y matapos ang isang cyberattack noong 2024 na naglantad sa kahinaan ng dating sistema.
Ayon kay PNP Chief General Rommel Francisco Marbil, inilunsad ng Firearms and Explosives Office (FEO) ang upgraded system na may anti-malware protection, web reputation monitoring, activity tracking, device control, web application firewall, intrusion prevention, at two-factor authentication gamit ang Google Authenticator at email verification.
Bukod dito, nagdagdag rin ang PNP-FEO ng SIM card-based client credentials, regional kiosks, mobile app, mas maraming e-payment options, expanded notification system, at isang mas user-friendly interface.
Sinabi ni Marbil na dahil sa mga makabagong hakbang na ito, mas mabilis na ang proseso ng pagkuha at pag-renew ng lisensya na mas protektado laban sa cyber threats.
