Davao City- Giklaro sa Ecoland Police Station nga fire suppression equipment ang nibuto sulod sa kan-anan sa dakong mall sa may Ecoland pasado alas-3:00 sa hapon, Setyembre 27,2023.
Gibutyag kini ni Police Major Noel Villahermosa sa interbyu sa RMN Davao.
Segun ni Villahermosa, tungod sa kainit sa kusina diin nahimutang ang maong device nibuto kini.
Matud niini walay injured ug walay laing nadamyos atol sa insidente.
Dili usab angay mag-panic ang publiko tungod dali ra usab kining narespondehan sa kapulisan.
Nagpahigayon usab og inspeksyon ang Bureau of Fire Protection 11 aron masegurong dili kini mamahimong hinungdan sa sunog.
RadyoMaN Aimee Guinita
Facebook Comments
