Nakahanda ang Philippine National Police (PNP) na magbigay ng seguridad sa naulilang pamilya ng broadcaster na si Juan Jumalon alyas Johnny Walker.
Ayon kay PNP Chief Police General Benjamin Acorda Jr., sa ngayon hindi pa naman humihingi ng security ang pamilya ni Jumalon pero sa oras aniya na humingi ang mga ito ay agad naman nilang bibigyan.
Sa ngayon ang binuong Special Investigation Task Group ng Police Regional Office ay 10 ang nakatutok sa pagsasagawa ng malalimang imbestigasyon hinggil sa nangyaring brutal na pagpaslang kay Jumalon.
Aalamin din nila kung may threat o banta sa buhay si Jumalon bago mangyari ang insidente.
Kaugnay nito, hawak na ng mga awtoridad ang cellphone ng biktima upang masuri at magamit na ebidensya sa krimen.
Facebook Comments
