Gibutyag ni Police Captain Hazel Tuazon, Davao City Police Office spokesperson, usa ang land dispute sa mga ginalantaw nga anggulo sa pagkutlo sa mga kinabuhi nila ni Brgy. Baganihan Kagawad Joel Daguinsal Siawan, 37 anyos, residente sa Purok 7, Pangudlutan ug Datu Ernesto Linog Matalam, 52 anyos, Indigenous People Mandatory Representative (IPMR), taga-Sitio Namnam Brgy Baganihan, Marilog District ning dakbayan.
Sa imbestigasyon, bag-ohay lamang natapos ang mga biktima ug ang ilahang mga kauban sa gipahigayong Tribal Ritual sa yuta dihang padulong na sila sa National Highway dihang aduna nay buto sa baril ang nadungog ug naigo si Kagawad Siawan nisunod usab ang serye sa pagpamusil nga naggikan sa kalasangan ug napuruhan usab si IPMR Matalam nga miresulta sa kamatayon sa duha.
Hustisya usab ang singgit sa pamilya ug ni Barangay Baganihan Kapitan Arnold Angit sa pagpatay sa mga biktima.
Gikatakdang ipailawom sa awtopsiya ang patayng lawas ni Kagawad Siawan nga anaa karon sa Freedom Life Funeral Homes sa Caliann matud ni Tuazon.
RadyoMaN Aimee Guinita
