PNP Iligan andam na sa paghatag ug seguridad karong Semana Santa

18

Andam na ang kapulisan dinhi sa dakbayan sa Iligan alang sa Semana Santa karong panahona.

Matud ni Police Chief Inspector Jovanie Cabusas, ang spokesperson sa PNP Iligan, nga duna nay gilatag nga seguridad ang PNP alang karong pagsaulog sa Semana Santa.


Adunay naka assign sa mga terminals, mga pantalan ug sa mga strategic nga mga lugar nga kun asa mudagsa ang daghang katawhan.

Kaabag usab sa kapulisan ang LTO ingon man mga force multipliers  sa pagbantay sa syudad karong panahona.

Samtang , subling nagpahimangno ang kapulisan ngadto sa mga residente nga dili mag kumpyansa ning panahona sa mga kawatan nga posibleng mupahimulos sa higayon.

Matud ni Cabusas, nga responsibilidad sa tagbalay nga bantayan ang ilang panimalay gikan sa mga dautang elemento.

Hinuon, andam ang kapulisan sa paghatag ug hinanaling action kung dunay musumbong sa ilang buhatan labot sa maong mga insidente

Facebook Comments

From Advertisers