Davao City – Kumbinsido ang usaka iladong political analyst sa nasud nga ang matuod nga kabag-ohan o kausaban sa ranks sa Philippine National Police (PNP) angay lamang manukad diha sa recruitment ug pagbansay kanila.
Sumala ni Prof. Ramon Casiple sa Institute for Political and Electoral Reforms (IPER), gikinahanglan mas pahugtan ug adunay mas klaro nga supervision ang kapulisan aron magpabilin ang ilang integridad sa mata sa katawhan.
Gi-angkon sa analyst nga tino nga adunay problema sa kalidad sa kapulisan ug nga adunay mga kwestionableng personalidad nga nakasulod sa ‘police force’ rason nga posibleng ikadaot sa reputasyon sa atong kapulisan.
Gipasabot ni Casiple nga posibleng huyang ang training sa prospective police applicants hinungdan nga aduna gayuy mga instances diin nakahimo sa salaud ang mga awtoridad samtang nagapatuman sa tahas pagmentenar sa kahusay ug kalinaw.
Uyon usab si Casiple nga ihatag ngadto sa PNP ang training aspect gikan sa public safety college haron mas mosibo ang training experience sa mga police trainees ngadto sa mandato sa kapulisan.
Kahinumdoman nga usaka area diin sagad sitahon sa mga kritiko ang nasudnong kapulisan mao ang kapakyas pagtuman sa PNP Operational Guidelines ug mga pertinenteng regulasyon sama sa ‘rules of engagement’ ug ‘respect for human rights.’
RadyoMaN Jason Amisola
