Sa interbyu sa DXDC RMN Davao kang Police Executive Master Sergeant Thaddeus Oropel, personahe sa Digos City Police Station, gibutyag niini nga nakapyansa na usab ang duha diin sila mibayad og P36,000 matag usa alang sa ilang termporaryong kagawasan.
“Adultery ang na-file sa ilahang duha. Kung minyo pud ‘tong lalaki, kung mag-file og kaso ang iyang wife, concubinage ang iyang kaso. Kung ang iyang wife ang mag-complain,” saysay sa pulis.
Kahinumduman nga aktwal nga nasakpan sa usa ka mister ang iyang asawa nga kadulog ang usa ka pulis atol sa gikasang raid sa awtoridad sa usa ka Inn sa syudad.
Una na usab nga nagpahimangno ang PNP nga dili nila gina-tolerate ang malambigit nga personahe sa dautang binuhatan diin sila mag-atubang gayud og criminal and administrative cases.
RadyoMaN Kirby Manzon
