Ang bag-ong hepe sa Philippine National Police , Director-General Oscar Albayalde nimando nga mas istriktohon pa ang pagpanawat ug recruitment sa kapolisan aron mahimong disiplinado ang mga pulis nga makasud sa serbisyo.
Matud ni Police Regional Office-7 director, Chief Supt. Robert Quenery , usa kini sa gimando sa bag-ong nilingkod ng hepe sa PNP , human sa turn-over of command sa Kampo Crame sa niaging semana.
Tuyo ni Alyabalde nga di na mohimo ug on the job training pinaagi sa field training program ang mga bag-ong police recruit , aron makalikay sa tentasyon sa kurapsyon.
Aron sila madisiplina ug maayo , mga sakop sa Special Action Force kon SAF mao na ang mobansay-bansay nila.
Si Albayalde nimando nga gawas sa mas hugtan pa ang kampanya batok sa ilegal nga druga, ipadayon usab niini ang paghinlo sa PNP gikan sa mga “scalawags.”
