Davao City- Wala pay matumbok nga lead ang kapulisan sa Baliok ug blangko pa sa mga suspek nga nihimo sa brutal nga pagpatay sa 57 anyos nga kanhi government employee nga si Lilian Nieva.
Gilubong na ang biktima kagahapong adlawa sa Davao Memorial Park dungan sa padayong panawagan sa kabanay, higala ug mga kanhi katrabo og hustisya.
Gibutyag ni Police Major Romeo Mapanao Jr., Station Commander sa Baliok Police Station, base sa awtopsiya dako ug lawom ang mga samad niini sa dughan ug sa liog.
Sumala ni Mapanao, tungod sa kapin 40 ka mga samad nga nahiaguman niini posibleng dili ra kawat ang motibo ug aduna pay mas lawom nga hinungdan sa pagpatay sa biktima.
Aminado si Mapanao nga ‘challenging’ ang maong kaso tungod sa blangko pa sila sa mga witnesses.
Sa pagimbestigar sa kapulisan sa mga suod nga mga higala ug pamilya matud pa wala kiniy nakabangi una pa man nahitabo ang brutal nga pagpatay sa biktima.
RadyoMaN Aimee Guinita
Facebook Comments
