PNP mohatag ug seguridad sa lubong ni Kap Imok Rupinta

24

Kapin sa 50 ka mga pulis ang magtinabangay sa paghatag ug seguridad atol sa lubong ugmang adlawa Disyembre 8 sa gipatay nga si Ermita Barangay Kapitan Felicisimo Imok Rupinta .
Ang deputy director for administration sa Cebu City Police Office nga si Supt. Artemio Ricabo nibutyag nga ang kapolisan sa Carbon ug Mabolo magtambayayong sa paghatag ug seguridad sa lubong gikan sa Ermita paingon ngadto sa Queen City Garden sa North Reclamation Area .
Sa di pa ang lubong himoon ang misa sa Mount Carmel Church University of San Jose Recoletos (USJR).
Nanglantaw ang kapolisan nga daghang mga supporters ni Rupinta nga mohatud sa lubong hinungdan nga lakip sa ilang bantayan mao ang pagpahan-ay sa trapiko sa kadalanan nga agian paingon sa lubnganan ni Rupinta .

Facebook Comments